You’re absolutely right, and I agree with the points that you raised. There are particular practical issues with making sure that audiences the length and breadth of Wales are able to watch BBC Wales services through their televisions and their radios, and we need to make sure that the numbers of people who receive English regional programming rather than Welsh national programming is tackled. It all comes down to the offer, and the more BBC Wales does to reflect Wales and the people of Wales back to themselves, the more compelling that offer will be from the BBC in terms of attracting larger viewer and listener numbers.

Mae’n rhaid i BBC Cymru adlewyrchu pobl a bywyd Cymru yn well o fewn Cymru. Dyna pam rydw i wedi bod yn gefnogwr cryf iawn iawn o wario llawer iawn mwy ar raglenni cyfrwng Saesneg ar gyfer cynulleidfaoedd yng Nghymru. Rydw i wedi siarad yn y Siambr yma o’r blaen ynglŷn â’r drefn, yn ystod y broses o droi’n ddigidol, lle yr oedd yna sianel, BBC 2W, yn darlledu yn yr oriau brig yn gyfan gwbl Gymreig, drwy’r iaith Saesneg, i gynulleidfaoedd yng Nghymru. Ond mae’n rhaid hefyd, wrth gwrs, i ni sicrhau bod Cymru’n cael ei hadlewyrchu lawer iawn gwell, fel y clywsom ni’r Gweinidog yn ei ddweud, i gynulleidfaoedd ar hyd a lled Prydain.

Mae’n rhaid, ar ddiwedd y dydd, i lais y sefydliad yma gael ei glywed hefyd. Rwy’n edrych ymlaen at weld y rôl ehangach fydd gan bwyllgorau yn fan hyn, y sgrwtini pellach fydd yn dod o’r Cynulliad Cenedlaethol, o weithredoedd y BBC. Nid ymyrraeth ydy hyn, nid cwestiynu annibyniaeth, ond cynrychioli pobl Cymru. Dyna’n rôl ni. Mae darlledu yn rhan bwysig o’n diwylliant ni, yn rhan bwysig o’n bywyd ni fel gwlad, a’n rôl ni fel Cynulliad, dan yr hyn sy’n cael ei ganiatáu fwy dan y siarter newydd, ydy sicrhau ein bod ni yn cynrychioli’r farn honno hyd at eithaf ein gallu a cheisio sicrhau bod rheolaeth ganolog iawn y BBC, fel y dywedodd yr Aelod dros Lanelli, yn cymryd sylw gwirioneddol o’n hanghenion a’n gofynion ni ar ran pobl Cymru a’n cynulleidfaoedd ni.