Ailadrodd? Ie. Datganiad ysgrifenedig yn ôl yn yr hydref—roeddech chi’n sôn am waith efo cynghorau Caerdydd a Chasnewydd ynglŷn â manteision rhedeg cwmnïau bysus lleol drwy’r sector gyhoeddus. Byddwch chi’n cofio hynny. A allaf i ofyn beth ydy ffrwyth y trafodaethau yna, ac a ydych chi wedi dechrau trafod gydag awdurdodau eraill, megis Abertawe, er enghraifft, y posibilrwydd o greu system debyg i’r rheini sydd yn digwydd yng Nghaerdydd a Chasnewydd?