Rydym ni yn awyddus, Dirprwy Lywydd, wrth gwrs, ac rydym ni’n awyddus i gefnogi pobl leol sy’n gweithio ar bosibiliadau am y dyfodol. Nid wyf i’n dechrau o rywle ble rwy’n meddwl bod rhaid i bob lle yng Nghymru gael rhyw fath o fargen, ond, ble mae diddordeb gyda phobl leol, a ble maen nhw’n ymwybodol, fel roedd Simon Thomas yn ei ddweud, am sut maen nhw’n mynd i weithio dros y ffin gyda phobl eraill mewn sefyllfa arall, yn Lloegr, neu yng Nghymru, rydym ni’n awyddus fel Llywodraeth i’w cefnogi nhw, i weithio gyda nhw, a gweld os maen nhw’n gallu creu syniadau sy’n mynd i weithio i bobl leol, ble rŷm ni a Llywodraeth y Deyrnas Unedig yn gallu helpu i’w hariannu nhw ar gyfer yr uchelgais y maen nhw’n eu greu yno.